D'Fifties

15/06/2022

Regisseur: Andy Bausch
Produktioun: Paul Thiltges Distribution/ PTD Studio

Acteur: Bim Diderich; Jerry Darnelle; Albert Breuer; Rosch Krieps; Fernand Fox; Roger Quaino; Will Aust; Colette Flesch; Jang Defrang; Mesy Faber-Bergamini
Joer: 2013
Genre: Documentary

De Film retracéiert, unhand vun Dokumenter (ë. a. Zeitungsartikelen, Amateuropnamen, Filmer vum Philippe Schneider, Fotoe vum Théo Mey, Tony Krier a Paul Aschmann) an nogespillte Zeenen, anekdotesch d'Zäit vun den 1950er Joren zu Lëtzebuerg.

Thematiséiert ginn ë. a. d'Hochzäit vum Ierfgroussherzog Jean vu Lëtzebuerg mat der Prinzessin Joséphine-Charlotte vun der Belsch, dem Robert Schuman säi Schumanplang, d'Arbed, de Kale Krich, d'Victoirë vun de Vëlossportler Bim Diederich, Jempy Schmitz, Elsy Jacobs a Charly Gaul, vum Leefer Josy Barthel a vum Turner Josy Stoffel, de Foussballclibb Alliance Diddeleng a Jeunesse Esch, d'Opkomme vum Rock'n'Roll, de Film Die Sünderin an d'Roll vun der Kierch an der Gesellschaft.