iTunesSpotifyRSSApple Share
5 vir 12
Deen anere Wocheréckbléck
Play

Play episode

"5 vir 12" virun der EM Finall
Deen anere Wocheréckbléck
Play
11/07/2021 (35m)

"5 vir 12" virun der EM Finall

Si kënne sech net richen, awer dofir héieren a gesinn. Dem Christiane Kremer seng 4 Gesellen hu sech vun doheem bäigeschalt fir déi lescht Woch Juni an déi éischt Woch Juli am groussen a ganzen z'analyséieren. Aus der Kichen, der Stuff, der Schlofkummer respektiv dem Aarbechtszëmmer melle sech den Al Ginter, Lucien Czuga, Gast Waltzing an de Gérard Valerius.
Play
27/06/2021 (39m)

"5 vir 12" no Nationalfeierdag

14 Deeg hunn si gerascht fir elo nees de béise Fanger ze maachen. Daum erop op erof, Top oder Flop, ça passe ou ça casse. Dat ass och haut hire "modus vivendi". Nieft den al agesiessen Hären huet d'Christiane Kremer och jonkt Blutt an der Ronn, déi sech weider op Distanz aus dem Home-Studio begéint. Gi se sech eens oder trenne se Welten, dat fanne mer bis Mëtteg eraus mam Jacques Kapp, Al Ginter, Gérard Valerius an David Winter.
Play
13/06/2021 (35m)

5 vir 12 "Mammendag"

Queesch duerch de Bësch geet et haut nees mam Christiane Kremer a senge 4 Männer. An och wann mam Al Ginter a Gast Waltzing direkt zwee Museker aus hirem Homestudio bäigeschalt sinn, mussen net onbedéngt harmonesch Kläng a positiv Téin ze héieren sinn. Mat vun der Partie fir dem Land an der Welt et lafen ze loossen an den Dicks ze riichten, de Jacques Kapp an de Gérard Valerius. A wéi bei engem Orchester sinn se am gaangen sech openeen anzestëmmen.
Play
30/05/2021 (36m)

5 vir 12 "Schnelltester"

De Mount geet sou lues op en Enn, d'Problemer bleiwen. Awer net iwwerall. Den Impfturbo gräift sou lues, an d'Schnelltester verroden engem och zimmlech séier op oder op net. D'Themen leien op der Hand, mä sinn all déi aner Problemer hausgemaach, oder sinn et vläicht och just Luxusproblemer? Doriwwer diskutéiert d'Christiane Kremer op Distanz, quasi an engem Webinar, mat 4 ausgewisenen Experten an alle Liewenslagen. Dem Jacques Kapp, Al Ginter, Lucien Czuga a Gérard Valerius.
Play
02/05/2021 (37m)

"5 vir 12" virum Meereenchen

Hei sinn d'Meeschter am Kapprësselen. Lokal, regional, national an international kenne si sech aus, a wëssen, wat déi lescht 14 Deeg gelaf oder net gelaf ass. Besonnesch déi Saachen déi net ronn gedréit hunn interesséieren de Jacques Kapp, Al Ginter, Lucien Czuga, Gérard Valerius a Christiane Kremer bis Mëtteg. Si weisen nees mam Fanger op all dat, wat carrement aus dem Rudder gelaf ass, an dat maache si aus allméiglechen Himmelsrichtungen, well jiddereen sëtzt nees fir sech ganz eleng a sengem Motzeck.
Play
18/04/2021 (40m)

5 vir 12 nom "Sofagate"

D'Zopp gëtt net sou waarm giess wéi se gekacht gëtt, dat weess net just all Kach. Zu hirer 5 gëtt elo nees gekuckt op keen Hoer an der Zopp war an de leschten 3 Wochen. A mir hunn d'Crème de la Crème fir op déi 21 Deeg zréck ze kucken. Se klengen zwar heiansdo wéi aus dem Eemer, an dobäi sëtze si just jiddereen fir sech an sengem Hobbykeller, a verbesseren d'Welt mat hiren Iddien a Remarken. Beim Christiane Kremer bäigeschalt sinn déi Kéier den Al Ginter, Jacques Kapp, Gérard Valerius an de Gast Waltzing.
Play
28/03/2021 (35m)

"5 vir 12" - Summerzäit

d'Christiane Kremer an déi ganz Corona hunn haut nees de Choix, well d'Aktualitéit huet déi lescht 2 Wochen méi hir ginn, wéi soss alt emol net an engem ganzen Joer. Wien mat wiem, a wien géint wien, gouf do diskutéiert. Et gouf vill lamentéiert, protestéiert a reagéiert, a wat et bruecht huet kritt der elo zerwéiert. An zwar mondgerecht ouni sech d'Zong ze verbrennen. An enger knapper Stonn maache si den Tour an zortéieren déi wichteg vun deenen onwichtegen Saachen. Bäigeschalt sinn den Al Ginter, Jacques Kapp, Lucien Czuga a Gérard Valerius.
Play
14/03/2021 (36m)

5 vir 12 op Bretzelssonndeg

Vill Opreegung gouf et nees déi leschten 2 Wochen hei am Land awer och bei eisen Noperen ronderëm, an elo ass et un hinnen fir alles z'analyséieren a sech selwer opzereegen. Jiddereen bei sech Doheem, schéin op Distanz hu se hire Antennen nees ausgestreckt fir näischt ze verpassen. D'Christiane Kremer ass net ze beneiden mat deene 4 gestanene Maanskärelen. Bäigeschalt sinn och haut den Al Ginter, Jacques Kapp, Lucien Czuga a Gérard Valerius.
Play
28/02/2021 (41m)

5 vir 12

2 Wochen hu se gerascht an hunn sech zréck gehale. Se hunn léiwer déi aner am A behal déi op deene grousse Bünen ronderëmturnen. An elo kënnt hir Analyse. Ouni Filter an duebele Buedem. Se schwätzen muncher engem aus dem Häerz a soen dat haart wat anerer denken. Genuch gouf et déi lescht 14 Deeg wou een just de Kapp rësele konnt. Ouni Blat virum Mond, mä mam Mond beim Mikro, jiddereen bei sech doheem sinn et de Jacques Kapp, Al Ginter, Lucien Czuga a Gérard Valerius. A ganz eleng am Studio 11 an der RTL City, d'Christiane Kremer.
Play
14/02/2021 (36m)

"5 vir 12" op Fuessonndeg

Si hunn et fauschtdéck hanner den Oueren, an dat weisen si net just op Fuessonndeg. Hei hält net een nom aneren eng Bütteried, mä all zesummen schaffen se déi wichtegst Themen vun de leschte 14 Deeg op. Schnësskichelcher oder vill méi Fueskichelcher aus dem Homeoffice gëtt et bis 12 vum Al Ginter, Jacques Kapp, Lucien Czuga a Gérard Valerius. D'Stellung am Studio hält d'Christiane Kremer.
Play
31/01/2021 (41m)

"5 vir 12"

Se sinn eppes wéi Muppen. Meeschtens verspillt. Se verdroen net dass een aneren hinnen d'Schank ofhëlt, a mat Momenter hondsen se och richteg drop lass. Ma wéi jiddereen weess "Honn déi billen, bäissen net", se wëllen just spillen a sech an Iech ameséieren. Déi 4 Honn sinn haut den Lucien Czuga, Al Ginter, Jacques Kapp a Gérard Valerius. An déi Dame déi se wéinst Corona un der laanger Léngt huet ass d'Christiane Kremer.
Play
17/01/2021 (44m)

5 vir 12 "am Schnéi"

Summer wéi Wanter, mat Lockdown oder ouni, an ganz egal wéi en amerikanesche President um Rudder ass, bréngen si eis op de leschte Stand. Si kucken net nëmmen zréck, mä hunn och den Duerchbléck a kennen d'Zukunft, dat behaapten si selwer. Lëschteg gëtt et allemol all zwou Wochen mam Lucien Czuga, Al Ginter, Jacques Kapp a Gérard Valerius déi op Distanz mam Christiane Kremer debattéieren an de Spunnes maachen.
Play
01/01/2021 (38m)

5 vir 12 "2020 - Et war net ALLES schlecht"

Déi Kéier wier et besonnesch einfach gewiescht dat vergaangent Joer auseneen ze huelen, an a vill kleng eenzel negativ Puzzelstécker ze zerleeë. A wat maachen si? Se huelen den décken Hummer fir eemol net eraus, mä sichen no deene positiven Elementer aus dem Joer 2020. Och déi gouf et. Beim Christiane Kremer gëtt Bilan gezunn, zesummen mam Al Ginter, Jacques Kapp, Lucien Czuga a Gérard Valerius. Awer net wéi soss an der grousser Ronn, mä jiddereen eleng vu sech Doheem.
Play
20/12/2020 (40m)

"5 vir 12" viru Chrëschtdag

Well ee sech de Moment net sou dacks gesäit, huet ee sech noutgedrongen och méi ze verzielen. An dat wäert bei deenen heiten 5 net aneschter sinn, déi sech elo no 2 Wochen Radiosabstinenz nees erëmhéieren fir iwwer Gott an d'Welt awer och Corona a Brexit ze schwätzen. d'Christiane Kremer huet geruff an bäigeschalt vun doheem sinn den Al Ginter, Jacques Kapp, Lucien Czuga a Gérard Valerius.
Play
06/12/2020 (34m)

5 vir 12 op Kleeserchersdag

Haut op Kleeserchersdag gëtt et och bei där heiten Band allméiglech Iwwerraschungen. Si deelen am Groussen aus. Fir déi eng gëtt et eppes Séisses an déi aner dierfe sech op eng Rutt gefaasst halen. Wéi déi lescht Wochen och sëtze se nees am Pyjama oder Jogging doheem an réckelen hiert Weltbild nees richteg wéi et hinne gefält. Vun Trump bis Corona, vun Wantersport bis bei de lëtzebuerger Haff misst et bis 12 Auer nees queesch derduerch goen mam Al Ginter, Lucien Czuga, Jacques Kapp a Gérard Valerius.
Play
22/11/2020 (38m)

5 vir 12

Keng Zopp ass hinnen ze waarm, kee Wee ze weit a kee Präis ze héich fir sech iwwer d'Aktualitéit lëschteg ze maachen. Si kucken zréck op déi lescht 14 Deeg a kieren och ënner den Teppech wann et muss sinn. De Biesemsstill am Grapp hunn bei sech doheem den Al Ginter, Lucien Czuga, Jacques Kapp a Gérard Valerius.
Play
08/11/2020 (35m)

"5 vir 12" no Halloween

Si huelen kee Blat vrun de Mond a Mask brauche se och keng well si sëtzen op Kilometeren auseneen am Home-Studio fir op déi déck Tromm ze fachen. Un alles sinn se interesséiert op Heiheem vun der Dier oder iwwer dem grousse Pull an ëmmer nees kënne se sech an den Äifer rieden. Beim Christiane Kremer bäigeschalt sinn den Jacques Kapp, Al Ginter, Lucien Czuga a Gérard Valerius.
Play
18/10/2020 (38m)

"5 vir 12"

2x am Mount kucken Si no hannen op d'Aktualitéit vun 14 Deeg. Wéi déi 5 Fangeren un enger Hand huet jiddereen och seng eegen Funktioun, a leet de Fanger an d'Wonn. Freet Iech op d'Zesummespill vun Al Ginter, Jacques Kapp, Lucien Czuga, Gérard Valerius a Gibbes Bertolo.
Play
04/10/2020 (36m)

"5 vir 12" - Hierscht

d'Nouvelle vun de leschte 14 Deeg ginn elo nach emol eng no där anerer duerchgeholl an analyséiert. 1 Stonn laang kommentéieren Lucien Czuga, Al Ginter, Jacques Kapp a Gérard Valerius zesummen mam Gibbes Bertolo all wichteg Iwwerschrëften aus der nationaler an internationaler Aktualitéit. An och Sport a Kultur, People a Lifestyle kommen net ze kuerz.
Play
20/09/2020 (38m)

5vir 12 "Rentrée"

Lo wou d'Vakanz iwwerall op en Enn geet, an de néidege Serieux nees zréck kënnt, hunn si och nees genuch Fudder. Déi lescht 9 Wochen ass awer och genuch passéiert an dat versiche se bis Mëtteg opzeschaffen, ouni dass een hinnen an d'Wuert fält. Am perséinlechen Home-Studio de Lucien Czuga an de Jacques Kapp an hei am Studio den Al Ginter an de Gérard Valerius. Wéi war déi lang Vakanz mat Corona?