D‘Gemengewalen, eng Lëtzebuerger Staatsvisitt an der Slowakei an eng Regierungskris an der Ukrain.Ënner anerem dës Sujete gouf et Ugangs September an de Journallen op RTL Radio Lëtzebuerg.De Pit Everling kuckt 20 Joer.

Am September 2005 kuckt d‘europäesch Politik op Berlin.Bei de virgezunne Neiwale gouf et eng ganz eng Course tëschent dem SPD-Bundeskanzler Gerhard Schröder an der Spëtzekandidatin vun der Unioun Angela Merkel.An der legendärer Elefanteronn direkt no de Bundestags-Wale goufen et op alle Fall Interpretatiouns-Divergenzen.De Pit Everling huet sech d‘RTL-Journalle vu virun 20 Joer ugelauschtert

De Prisong zu Schraasseg ass ze kleng, eng Héichspannungsleitung am Süden ass net erwënscht, d'Nordstad hëlt Form un um Haff gëtt Nowuess annoncéiert. Ënner anerem déi Iwwerschrëfte gouf et an den RTL-Journallen Enn September 2005.De Pit Everling kuckt 20 Joer zeréck.

Mëttelméisseg ëffentlech Finanzen, Gestreits ronderëm d'Sotel-Leitung oder nach Pläng fir e Kino zu Dikrech.Ënner anerem dës Titele gouf et an den RTL-Journallen am Hierscht 2005. De Pit Everling kuckt 20 Joer zeréck

Leschte Freideg krut Lëtzebuerg mam Grand-Duc Guillaume een neie Staatschef, ouni datt den iwwerhaapt gewielt gouf. Anescht war dat den 9. Oktober 2005, wéi déi nei Gemengeréit bestëmmt goufen. Dat heescht awer net, datt all Buergermeeschter säin Troun, ähm Stull huet musse raumen. De Marc Hoscheid kuckt 20 Joer zeréck.

Am Oktober 2005 hu fir d'éischt d'Gemengewalen an dono d'Koalitiounsverhandlungen um lokalen Niveau d'Aktualitéit zu Lëtzebuerg dominéiert. An der Schoul gouf och deemools schonn iwwert d'Roll vun de Sproochen diskutéiert. International huet sech d'Vullegripp ëmmer weider ausgebreet an och am Grand-Duché fir Kappzerbrieches gesuergt. De Marc Hoscheid kuckt 20 Joer zeréck.

De Staatsbudget, Koalitiounsverghandlungen an de Gemengen, eng Eisebunns-Tripartite an eng eventuell Lëtzebuerger Formel-1 Participatioun.Ënner anerem dës Sujete gouf et an den RTL-Journalle vun der drëtter Oktober-Woch aus dem Joer 2005.De Pit Everling kuckt 20 Joer zeréck

Wéi soll d‘Mobilitéit an der Stad Lëtzebuerg organiséiert ginn?Déi Fro war och an den RTL-Journalle vum Oktober 2005 aktuell.Eng Optioun déi deemools um Dësch louch war déi vum Tram, respektiv dem Train-Tram.En anere Sujet deemools war och een dee mer haut nawell all ze gutt kennen: d‘Vullegripp.De Pit Everling kuckt 20 Joer zeréck. 

En zweete Prisong fir Lëtzebuerg, d‘Zukunft vun den CFL an d‘Onrouen a Frankräich. Ënner anerem dës Iwwerschrëfte gouf et an den RTL-Journalle vun der éischter November-Woch vum Joer 2005.De Pit Everling kuckt 20 Joer zeréck. 

De Stater Koalitiounsaccord, nei Elementer am Dossier Bommeleeër an en Accord tëschent Lëtzebuerg an Nigeria. Ënner anerem dës Sujete gouf et an den RTL-Journalle vun der zweeter Novemberwoch 2005.De Pit Everling kuckt 20 Joer zeréck.