Déi éischt Sendung nom Summer war nawell anstänneg gefëllt. Der Däiwel hat sech ugemellt fir déi nei Plack Delusion of Grandeur unzekënnegen an d'Amii Watson huet iwwert de Weekend eng weider Single Pink Skies publizéiert.

Och an dësem Episod Am Takt 2 Gespréichspartner, wann een et richteg hëlt souguer 4. De Projet Dontnod ass vum Dave Schmit (Eternal Tango) an David Funez an d'Liewe geruff ginn an den Duo Netty Hugo spillt a produzéiert Techno ronderëm de Globus.

Am Mäerz dëst Joer hu Go By Brooks e Concert am ale Stadhaus zu Déifferdeng gespillt deen et elo zënter Mëtt Juli als Live-Album gëtt a mam Gilles Zeimet war och genuch Material fir en Interview do, de Museker ass scho 35 Joer aktiv.

Den Album ass eigentlech schonn 2 Joer prett, kënnt awer elo eréischt eraus; d'Pandemie huet de musikaleschen Alldag vun Ice In My Eyes och op d'Kopp geheit, ma elo ass de Moment do fir New Romatic op d'Leit lass ze loossen.

Won't Stop ass déi 5. Produktioun tëscht dem Pascal Dechmann am Sonna Rele, a se hunn nach net direkt wëlles ze stoppen. Iwwer déi aktuell Single an d'Pläng fir d'Zukunft huet de Pascal Am Takt geschwat.