Et ass net fir d'éischt, datt d'Doktere sech mam Santésministère uleeën. An de leschte Joerzéngten hat déi liberal Dokterschaft sech systematesch mat de meeschtens sozialistesche Gesondheetsministeren an den Hoer. Schwaarz-Blo huet virun allem am Walkampf, mä och am Koalitiounsaccord vill versprach, mä bis elo nëmme wéineg geliwwert. Ënnert anerem duerfir ass der AMMD elo de Colis geplatzt. An den Drock schéngt och ze wierken. Mä, Drock ass net ëmmer gutt – e Commentaire vum Claude Zeimetz.

Knapp zwee Joer ass d'CSV-DP-Regierung elo um Rudder. No 10 Joer Blo-Rout-Gréng war an de méi konservative Kreesser eng gewëssen Opbrochstëmmung ze spieren, vun där awer net méi ganz vill bliwwen ass. D'Meenungsëmfroe weisen, datt d'Koalitioun un Zoustëmmung verluer huet. Ma och wann een d'Regierung kritiséiere kann, virun allem fir hir Kommunikatioun, muss een awer och soen, datt d'Alternativen net wierklech besser sinn, fënnt op d'mannst de Marc Hoscheid an engem Commentaire.

Eréischt uganks des Mounts ass dem US-President gelongen, wat keen esou fir méiglech gehalen hat. Hien huet Israel an d‘Hamas dozou kritt, eng Wafferou an der Gaza-Sträif z‘akzeptéieren an israeelesch Geisele géint palästinensesch Prisonéier ze tauschen.

D'Zuel vun de Refugiéen déi zu Lëtzebuerg Asyl froen ass keen enorme Chiffer a relativ konstant. An awer schéngt d'Land mat Amenter iwwerfuerdert ze sinn. E Commentaire vum Diana Hoffmann

D'EU-Parlament wëll Begrëffer wéi "Wurscht", "Schnitzel", "Steak" oder "Burger" fir vegetaresch Produite verbidden. Just Fleesch soll dierfe sou genannt ginn. D'lescht Woch huet eng Majoritéit vun den EU-Deputéierte fir sou e Verbuet gestëmmt. Déi Lëtzebuerger Deputéiert allerdéngs net. D'EU-Deputéiert vun CSV, LSAP an Déi Gréng hunn dogéint gestëmmt. De Charel Goerens vun der DP an de Fernand Kartheiser vun der ADR hu sech enthalen. Definitiv decidéiert ass elo awer nach näischt. Déi 27 EU-Länner mussen de Verbuet och nach guttheeschen. Mä trotzdeem war de Vott kee gudden Dag fir d'Europaparlament. A mat Konsumenteschutz huet et och näischt ze dinn.

Dat hat de liberalen Ausseminister a Vizepremier Xavier Bettel dem Kardinol Hollerech geäntwert, wéi et ëm d'Fro goung, ob den Avortement soll an d'Constitutioun stoe kommen. Et schéngt awer, wéi wa sech och bei der DP Leit ageschlach hätten, déi nach net ganz am Joer 2025 ukomm sinn, kommentéiert d'Dany Rasqué de Gaaschtbäitrag vum liberale Gérard Schockmel, deen de Weekend iwwer nawell héich Welle geschloen hat.

E Freideg gëtt et eng Woch, datt Lëtzebuerg een neie Grand-Duc a Staatschef huet. Een historesche Moment, dee Samschdes mat enger Tournée vun der groussherzoglecher Koppel duerch d’Land gefeiert gouf, mat enger leschter Etapp owes an der Stad. Eng Etapp, déi awer um Ecran méi iwwerzeegt huet, ewéi an der Realitéit, mengt d'Marlène Clement an engem Commentaire.

Nom Politmonitor, wou de Premier Frieden ewell Mëtt Juni mat engem Minus vun 10 Punkte stramm ofgestrooft gouf, kasséiert d'CSV déi nächst rout Kaart vum Wieler. Entretemps wier der Sonndesfro no, dann och nees eng Gambia-Koalitioun mat 32 Sëtz dran - mee ze vill politesch Utopie soll dann awer net sinn... De Roy Grotz gesäit awer net alles schwaarz fir déi Schwaarz.

Haut virun 2 Joer, also um 7. Oktober 2023, huet d’Terrororganisatioun Hamas Israel ugegraff, dobäi iwwer 1.000 Mënsche brutal ëmbruecht a weider 250 Persounen als Geisele geholl. De 7. Oktober markéiert awer och den Ufank vum Krich an der Gazasträif, deen antëscht schonn zanter zwee Joer amgaangen ass. E Krich, deen ëm 65.000 Palästinenser d'Liewe kascht huet a géint deen ëmmer méi Leit uechter d'Welt op d'Strooss ginn, och hei am Land. Mee wat bréngt Aktivismus géint de Krich? Dat freet d’Monica Camposeo a sengem Commentaire.

Lëtzebuerg ass am Trounwiessel-Féiwer. De Countdown leeft, a geschwë geet et lass: dräi Deeg laang gëtt geféiert, aus dem Ausland reest d’Crème de la Crème aus Politik an Adel un. Land a Leit kréie Concerten, eng Tour duerch d’Land, a Kiermes-Ambiance an der Superlativ gebueden. D’Anne Wolff freet sech a sengem Commentaire, wat do fir eng Rechnung op de Steierzueler duerkënnt.

A sengem Commentaire huet sech de Fränz Aulner gefrot, ewéi een d’Mentalitéit vu verschidde Leit kéint änneren. Well ouni dat, wäert et ëmmer u bezuelbare Wunnenge feelen. Wat ëmmer méi negativ Konsequenzen op allen Niveaue vun der Gesellschaft wäert hunn.

Virun zwou Woche sot de Kardinol Jean-Claude Hollerich an der Sendung Background, falls d'Recht op Ofdreiwung an d'Verfassung agedroen géif, da wier een zu Lëtzebuerg net méi fräi, eng aner Meenung ze äusseren. Eis Demokratie hätt dann Zich vun engem totalitäre System ugeholl an et géif een déi, déi net d'Accord sinn, an de Rietsextremismus dreiwen. De Kardinol muss dréngend beichte goen, fënnt d'Michèle Sinner a sengem Commentaire. Dat well en onéierlech ass an Onwourechte verbreet.

Déi russesch Piloten iwwer Estland haten net déi falsch Landkaart an och d'Dronen iwwer Polen haten net zoufälleg falsch ofgebéit.

All Joer am September gëtt d'europäesch Woch vun der Mobilitéit gefeiert.

D'grouss a bekannt Banken op der Finanzplaz hunn d'lescht Joer weider säfteg Beneficer gemaach an Dividenden ausgeschott. Obwuel se an Affäre verwéckelt waren a sinn an eng Rei Clienten hir Sue geklaut kruten.

A sengem Commentaire kuckt d'Annick Goerens op de Massentourismus, den Overtourism an op d'Responsabilitéite vun den Touristen, wa si reesen.

Wann d'Sozialronne bis elo eppes gewisen hunn, dann ass et wéi de Premier Luc Frieden sech selwer demontéiert. Dat mengt d'Michèle Sinner a sengem Commentaire.

Firwat ass d'Franséisch nach ëmmer esou wichteg am Lycée? A wat genau soll een haut an der Schoul léieren?

Kee K.O. an der zweeter Ronn - keen Handduch, dat an de Réng gehäit gouf a Keen ronderëm de Sozialdësch, deen sech sou schlecht behandelt gefillt hätt, datt hie "Saalflucht" gemaach hätt. Nach ass déi timid Flam vum sozialen Tripatite-Geescht net ausgeblosen - nach ass mat där Käerz am Grapp en Enn vum Tunnel ze fannen - de Roy Grotz wot e Bléck hannert d'Diere vum Staatsministère, wou d'Ambiance e Méindeg wéi op engem Begriefnes war.

No der Tripartite, déi net däerf Tripartite genannt ginn, kann een der Regierung trotz Konzessioun punkto Kollektivverträg e gewëssen Erfolleg accordéieren: et huet keen d'Dier geklaakt. D'Kou ass nach laang net vum Äis. Inhaltlech koum net ganz vill eraus an dat no Méint Stëllstand. Et war sech eigentlech och net anescht z'erwaarden, fënnt d'Annick Goerens a sengem Commentaire.

E Mëttwoch ass et souwäit - eng Sozialkris, déi eng Zäsur fir d'Regierung duerstellt, kéint op en Enn kommen - oder och net. Op d'mannst d'Gewerkschafte schwätze vun enger akuter Kris. D'Patronat seet, datt hire ganze Secteur hippt an och an der Kris ass. An d'Regierung? Jo, d'Regierungsekipp ass den Hond am Keelespill - an op dee kënnt et e Mëttwoch un - seet sech de Roy Grotz a sengem Commentaire.

De Fall vum Fussballprofi Gerson Rodrigues huet an de leschte Wochen a Méint héich Welle geschloen.

D'Summervakanz steet virun der Dier, dat heescht net just Vakanz fir d’Schoulen, mee och grouss Chantieren op wichtegen Transport-Achsen. Tëscht dem 11. Juli an dem 15. September fueren zum Beispill keng Zich tëscht Beetebuerg an der Stad wéinst Aarbecht um Netz. Et sinn Aarbechten, déi batter néideg sinn, fënnt den Tim Morizet a sengem Commentaire... well Zuch fueren déi lescht Méint war keen einfach Exercice.

De Message vun der Strooss e Samschdeg war däitlech. De Premier Luc Frieden reagéiert séier a mécht de Gewerkschaften d'Dier op fir Verhandlungen. E Feeler gëtt hien awer net zou a verpasst et virun allem, seng Manéier ze regéieren an ze kommunizéieren a Fro ze stellen, bedauert d’Marlène Clement an sengem Commentaire.

D‘NATO follegt dem US-President Trump. D‘Memberstaaten hunn um Sommet zu Den Haag formell festgehalen, dass fënnef Prozent vun hirer Wirtschaftsleeschtung a Verdeedegung a Sécherheet investéiert ginn.

Déi eng zitt et e Samschdeg op d'hëtzeg Stroossen, déi aner kommen net séier genuch an de kille Bësch. Iwwerdeem d'Gewerkschaften all eenzele Member op hir Maniff e Samschdeg ruffen, invitéiert d'Patronat fir de Weekend Doheem oder soss enzwousch ze genéissen - d'Haaptsaach, net op der Strooss. De Roy Grotz iwwert eng toxesch Situatioun, an där lo e radikaalt Ëmdenke gefrot ass.

Nationalfeierdag läit hannert eis. An de Grand-Duc Henri ass zanter 25 Joer um Troun. An nach ëmmer stinn d‘Lëtzebuerger eigentlech hannert der groussherzoglecher Famill. Ganzer 69 Prozent vun de Befrote soten am neiste Politmonitor, dass d‘parlamentaresch Monarchie déi beschte Staatsform fir Lëtzebuerg wär. Iwwer d‘Hallschent fënnt awer och, dass mol eng Kéier an engem Referendum iwwer d‘Monarchie ofgestëmmt kéint ginn. Dem Pierre Jans no kann dat just eppes heeschen.

Et ass dat éischt richtegt blot Aen fir Schwaarz-Blo an de Grond dofir sinn d‘Pensiounen.

Den aktuelle Politmonitor schwätzt eng kloer Sprooch an et ginn keng 100 Fassongen fir d'Resultater ze deiten.

Israel an den Iran schéisse mat Rakéiten openeen. A sengem Commentaire ass de Fränz Aulner der Meenung, datt Israel tatsächlech vill Feinden huet an existenziell menacéiert ass. Awer net just duerch de Regime vun Teheran an d'Hamas, mee och duerch seng eege riets-extrem Regierung.

Eng rezent Affär vu Pedokriminialitéit huet fir vill Opreegung gesuergt. Afferschutzorganisatioune sinn entsat iwwer Delaien an Decisioune vum Scas, dem Service central d'assistance sociale. Ma warscheinlech ass de Probleem kee schlechte Wëlle fir d'Täter ze pëtzen an Affer ze schützen. Mee éischter eng Verkettung vun onglécklechen Ëmstänn an d'Penurie u spezialiséiertem Personal op méi ewéi enger Plaz, mengt d'Michèle Sinner a sengem Commentaire.

D’NATO-Verdeedegungsministeren hu sech d’lescht Woch op dee gréissten Oprëschtungsplang zanter dem Kale Krich gëeenegt. Mat 5% vum PIB, déi jidderee fir d’Sécherheet soll ausginn. Wéi séier, doriwwer gëtt nach bis de Sommet an dräi Woche verhandelt. Mä et ass absolut kloer. All d’NATO-Länner, also och Lëtzebuerg, wäerten an Zukunft Rekordzomme fir d’Arméi mussen ausginn. E Commentaire vum Claude Zeimetz.

E Freideg spillt d'Lëtzebuerger Futtballnationalekipp e Frëndschaftslännermatch géint Slowenien. Mat derbäi ass de Gerson Rodrigues, de Rekordbuteur vun der Nationalekipp, deen an zweeter Instanz wéinst Gewalt a Kierperverletzung an 3 Fäll zu 18 Méint Prisong – mat Sursis – verurteelt gouf.

Ufank vun der leschter Woch war de Lëtzebuerger EU-Deputéierte Fernand Kartheiser fir e puer Deeg op politescher Visitt zu Moskau. Den ADR-Politiker hat eng Invitatioun vum russesche Parlament ugeholl a sech nieft Deputéierten och mat engem vun de Vize-Ausseministere getraff. D'Opmierksamkeet war him domadder gewëss, awer och d'Kritik. Déi koum net just vum politesche Géigner, mee och aus den eegene Reien. D'EKR-Fraktioun, an där hien am EU-Parlament Member ass, wëllt hien ausschléissen. E Mëttwoch wäert doriwwer ofgestëmmt ginn. Ma elo schonn huet de Fernand Kartheiser mat der Rees an déi russesch Haaptstad net nëmme sech selwer, mee och senger Partei ee Selbstgol geschoss, mengt de Marc Hoscheid an engem Commentaire.

Bei de Parlamentswalen a Portugal huet déi rietspopulistesch Partei "Chega” sech schonn esou gutt wéi als zweet Muecht etabléiert. Ee Riets-Ruck kann een et net méi nennen, wuel éischter eng Invasioun, mengt d'Rosa Clemente.

Et ass du Jamais-vu, wat d’Lëtzebuerger Wort an de leschten zwee Deeg publizéiert huet. Rieds ass vun engem nach lafende Geriichtsprozess, wou ee Mann wéinst Pedo-Kriminalitéit ugeklot ass, deen an der Theaterwelt an am ëffentleche Liewen hei zu Lëtzebuerg keen Onbekannten ass. De Mann huet en plus seng eegen Duechter mëssbraucht a kritt elo am Wort e ganzen Artikel, wou hie sech als Affer duerstellen däerf. Een absolutten No-Go fënnt d'Annick Goerens am Tëscheruff.

Am Walkampf war d’Thema Pensioune quasi inexistent. 18 Méint, nodeems den neie Luc sech op de Stull vum Premier gesat huet, ass kloer: Mir gi méi laang schaffen, ob mer wëllen oder net. "Hätt een dat nëmmen éischter gewosst", kommentéiert d’Dany Rasqué mat emol méi, emol manner Ironie.

Zanter en Dënschdeg weess d'Land da lo endlech a graffen Zich, wou et bei der Pensiounsreform soll higoen. Um Ofschloss vum laangen Consultatiounsprozess, dee Schwaarz-Blo déi lescht Méint zelebréiert huet, läit d'Verantwortung da lo virun allem bei de jonke Generatiounen, fir de System an der Riicht ze halen. D'Claude Zeimetz sicht zanter där Annonce nach ëmmer de Kompromëss, dee jo u sech sollt bei deem ganze Geschwätz erauskommen.

An de Grondschoulen a Maison Relaisen am Grand-Duché ass de Gebrauch vum Handy zanter dräi Wochen tabu.

Mat deem klenge Saz hat de Premier haut u sech alles gesot. Jo, d'Regierung schwätzt mat de Sozialpartner, mee gehandelt gëtt vum Ministerrot an decidéiert gëtt an der Chamber.

D'LUGA ass zanter leschter Woch offiziell op. Déi grouss urban Gaardenausstellung soll nohalteg an ekologesch sinn, sou gouf d'Expo ënner fräiem Himmel op d'mannst vun Ufank u vermaart a verkaf. Ma wéi nohalteg kann en temporäert Evenement iwwerhaapt sinn, freet sech d'Claudia Kollwelter a sengem Commentaire.

An Däitschland an allgemeng uechter Europa gouf e Mëttwoch vill iwwer d'Wal vum Friedrich Merz debattéiert, dee jo eréischt beim zweeten Ulaf als neie Bundeskanzler confirméiert gouf. Vu Staatskrisen, Blamage an Apokalyps war rieds uechter d'Medien, mee fir eis Journalistin Annick Goerens war dat keen Drama, mee just gelieften Demokratie. Keen Grond deemno ze Hyperventiléieren

Dee mat senger Meenung an d'Press geet, muss riskéieren, eng kleng Lëftchen oder awer e Stuerm vu Reaktiounen ze provozéieren. Sou ass dat - sou war et nach ëmmer an et ass och net anescht, wann een "en public", vu Chambertribünen erof, um Comptoir, bis hin op Theaterbüne seng Meenung haart an däitlech deklaméiert. Schwiereg gëtt et, wann de Kapp an de Sand gestach gëtt a sech Protagoniste vun Neiegkeete verstoppen - de Roy Grotz weess, vu wat hie schwätzt...