Haut ass den Gilles Martin Infirmier Anästhesit aus dem Nordspidol den Invité.

Exit! An elo? Episod 10 - Intensivstatioun

Den Ament hätt een d’ Situatioun hei am Land am Grëff, vill vun de Mesuren déi an der éischter Well gegraff huet misst een an enger zweeternet méi huelen

Exit! An elo? Episod 9 - Medikamenter

Mir hu Medikamenter fir de Schued vun der Krankheet a Grenzen ze halen, ma nach gëtt et kee standardiséiert Mëttel fir Covid-19-Patienten ze traitéieren, esou den Dr. Serge Meyer, deen am Escher Spidol d’ Krisencellule geleet huet am RTL Podcast Exit! An elo?.

Mir musse léieren eis Fräiheeten a Grondrechter ofzeweien, esou de Politikwëssenschaftler Michel Dormal.

Exit! An elo? Episod 8 - Fräiheeten

De Wëssenschaftler gesäit d’ Potential dofir, datt am politeschen Discours eng gewësse Krise-Semantik hänke bleift: “Do riskéiere mer an eng komesch Situatioun ze komme wou jiddereen sech géigesäiteg iwwerbitt, mat Katastrophen- a Krisenzeenarien an esou no a no den Etat d’ Urgence zum normale Modus vu Politik gëtt. Et huet ee jo gesinn dat et kuerzfristeg fonctionéiert, mee laangfristeg ass et näischt wat an enger Demokratie esou ka fonctionéieren.”

Den Exit aus der Corono-Kriis begleed vun Experten, haut ass den Direkter vum Staatslabo den Friedrich Mühlschlegel Invité.

Exit! An elo? - Episod 7 - Smart Testen

Den Direkter vum Staatslabo, de Prof. Friedrich Mühlschlegel, seet dat mer bis mer eng Impfung hunn musse smart Teste fir Infektiounsketten ze ënnerbriechen. Och Schnelltester déi geschwënn kéinten ob de Marché kommen, géifen d'Spillreegelen änneren.

An eisem Podcast Exit an Elo? beschäftege mir eis mam sougenannte Large Scale Testing. Wat brengen se a wei fonctionneiert et?

Exit! An elo? - Episod 6 - Testen, testen, testen

Jidderee kann, soll, dierf sech teste loossen. Per Bréif soll an de nächste Wochen all Resident op mannst eemol ugeschriwwe gi fir sech testen ze loossen. Umelle muss een sech iwwer Internet, mëttlerweil kann een am Noutfall och per Telefon e Rendezvous ausmaachen.
Ëmmer méi Leit maache beim sougenannte Large-Scale Testing mat. Bis e Freidegmëtteg goufen iwwert dëse Wee 23 Dausend Tester gemaach. 5 Persoune ware positiv.

Mam Dokter Gerard Schockmel, Infektiolog aus den Hopitaux Robert Schuman, schwätzt de Pierre Weimerskirch iwwert d' Entwécklung vun Impfstoffer.

Exit! An elo? - Episod 5 - Impfstoff fir Enn vum Joer?

A bal 100 Laboe weltwäit siche Fuerscher mëttlerweil no engem Vaccin géint de SARS-CoV-2. Zil ass esou e Retour an dat normaalt Liewen, wéi d’Welt et virun der Pandemie kannt huet, ze erméiglechen.

Eng méiglech zweet Well vu Sars-CoV-2-Infektiounen zu Lëtzebuerg ka verhënnert ginn.

Exit! An elo? - Episod 4 - Zweet Well verhënneren

D' Zuelen hätten sech an de leschten Deeg ganz positiv entwéckelt an d' Simulatioune vu Research Luxembourg wiere villverspriechend. Et misst awer weiderhin e kollektiven Effort gemaach ginn, esou den Alexander Skupin, Biophysiker beim Lëtzebuerger Institut fir systemesch Biomedezin, am RTL-Podcast Exit! An Elo?

Wat bréngt et breet op de Coronavirus ze testen? Vill, esou den Ulf Nehrbass vum Luxembourg Insitute of Health.

Exit! An elo? Episod 3 - Duerch Teste méi séier wéi de Virus

Zu Lëtzebuerg kenne geschwënn bis zu 20 Dausend Tester op de Coronavirus gemaach ginn. Den Dag. Wat hannert dëser Test-Strategie stécht diskutéiere mer zesumme mam CEO vum LIH am 3. Episod vum Podcast Exit! An elo?

"Exit! an elo?" mam Paul Wilmes. Zu den Themen: Nei-Infektiounen, Opmaache vu Caféë a Restauranten an enger méiglecher zweeter Wëll.

Episod 2 - "Et kann een optimistesch sinn"

D'Entwécklung vun de Nei-Infektiounen ass iwwert di lescht Woche relativ stabel gewiescht. Et kéint een optimistesch sinn, ma et wier ee nach net ganz iwwert de Bierg. D' Opmaache vu Caféë a Restauranten si laut Simulatioune méiglech.

Den Exit aus der Corono-Kris begleet vun Experten. Mat Tipps zu alldeegleche Situatiounen an den Neisten Entwécklungen.

Episod 1 - Wee an den Alldag

Mam Virolog Prof. Claude Muller diskutéiere mer iwwert Froen déi sech den Ament vill Leit am Alldag stellen… Dierf den Enkel nees bei d’ Bomi...op wat soll ech an de Geschäfter oppassen? Wei organiséieren ech mech wann ech 6 Leit heem invitéieren an 2 Meter Ofstand muss halen?

Den Exit aus der Corono-Kris begleet vun Experten. Mat Tipps zu alldeegleche Situatiounen an de neisten Entwécklungen.

Exit! An elo?

Den Exit aus der Corono-Kriis begleed vun Experten. Mat Tipps zu alldägleche Situatiounen an de néitsten Entwecklungen.

Play episode