Am Kader vun de geopolitesche Spannungen uechter d'Welt muss d'EU seng Kooperatiounen iwwerdenken.

“Nostalgie ass keng Strategie”, sou de kanadesche Premier zu Davos, wa Groussmuechten d’Ekonomie als Waff asetzen, misst ee sech wieren an zesummendoen. Mat wiem? Nei Handelsaccorde si fir d’EU dacks Schwéiergebuerten. A wéi kënne si d’Ofhängegkeete vu China an den USA reduzéieren? Wat sinn d’Perspektive fir eng kleng oppe Wirtschaft wéi eis, déi manner wiisst? Erliewe mir grad eng Transitioun oder en Ëmbroch, net just geopolitesch, mee och technologesch duerch KI? Wéi musse Betriber, de Staat an all eenzelen domat ëmgoen?