Der Fondatioun « Natur & Ëmwelt » ass d’Propper-Hale vun eisem Liewensraum e wichtegt Uleies. Och de Rescht vun der Bevëlkerung soll sensibiliséiert a motivéiert ginn, ënnert anerem mat der Grousser Botz, déi wéi all Joer ëm dës Zäit virun der Dier steet. Vum Birgit Jacoby vun der Fondatioun wollte mir méi iwwert d’Urspréng vun der Grousser Botz gewuer ginn, mä och iwwert déi grouss Gefore vum Littering.