An der Woch schaffen d'Nathalie Oberlinkels an d'Isabelle Michels am Enseignement. An hirer Fräizäit engagéieren si sech fir rumänesch Stroossenhënn. Mat hirer Associatioun Street Souls asbl schaffen si elo schonn e puer Joer ganz enk mat rumäneschen Déiereschützer zesummen. D'Ziel ass et deenen Hënn, déi dohannen hiert Liewen am Asyl, der Strooss oder der Kette verbréngen, hei e schéint doheem ze fannen. Dofir fléien si all puer Wochen op d'Plaz. D'Lea Schwartz huet si dobäi begleet an iwwert d'Erausfuerderungen vun dëser Aarbecht geschwat.