Well zanter Joerhonnerte gëtt op der ganzer Welt alt mol gefaascht. Fréier, an och deels nach haut, virun allem aus reliéise Grënn. D'Chrëschte si jo aktuell an der Faaschtenzäit a bei de Moslemen ass et de Ramadan deen d'lescht Woch ugefaangen huet. Ëmmer méi Leit gesinn d'Faaschten awer och als eng Beräicherung an hirem Liewen a verzichten esou fräiwëlleg a ganz bewosst op dat eent oder anert fir eng gewëssen Zäit. Verschiddener verzichte souguer ganz op d'Iessen. Wéi laang kann dat eigentlech gutt goen? A wat geschitt wa mir elo einfach näischt méi iesse géingen?