Haut geet et an eiser Gewierz Serie ëm e Blat, dat vill Leit aus der asiatescher Kichen kennen, mee dat bei eis nach ëmmer e bëssen en Exot ass. Dat aromatescht Blat kënnt vun enger spezieller Zitruspflanz, déi virun allem a Südostasien wiisst. Besonnesch an Asien gehéiert et zu de klassesche Kichenaromen. D’Blieder falen direkt op: si si donkelgréng, blénkeg an hunn eng aussergewéinlech Form. Wann ee Kaffirblieder tëscht de Fangeren zerdréckt, gëtt direkt en intensive Geroch fräi: frësch, zitrouneg a liicht exotesch. Genee dëse Geroch mécht se esou beléift an der Kichen.