Wann een d’Caro an den Andreas Robens kennt, dann ass dat mat grousser Warscheinlechkeet duerch "Goodbye Deutschland".

D'Caro Robens ass schonn 2003 vu Wuppertal op Mallorca ausgewandert. Den Andreas koum e puer Joer méi spéit hannendrun. Déi zwee hu sech 2010 op der Insel kennegeléiert – si huet deemools an enger Diskothéik geschafft, hien als Sécherheetsmann. Kuerz drop goufe si eng Koppel. De Projet vun enger Serie op der Tëlee war eigentlech ni geplangt. Och, a virun allem, well d'Caro ganz schei ass, respektiv war. Zënterhier hu si sech op Mallorca net nëmmen e Privatliewe mee och eng Existenz opgebaut – ënner anerem mat Fitnessstudioen an der Gastronomie. Nieft hire Geschäfter hu si och fir d’Kamerae vill erlieft – vun „Goodbye Deutschland“ bis bei hir eege Sendung „Caro & Andreas – 4 Fäuste für Mallorca“. Caro an Andreas Robens – bekannt aus der Televisioun. Mee hannert dem TV-Portrait stinn zwee Mënschen, déi Mallorca viru ville Joren zu hirer neier Heemecht gemaach hunn.