Mir sinn am Ellergronn bei Esch-Uelzecht, engem vun deene besonnesche Naturschutzgebidder am Minett. Haut héiere mer hei d’Villercher sangen, gesi Bësch, Weieren a Wisen – an et ass kaum nach virzestellen, datt hei fréier Eisenäerz ofgebaut gouf. Op där enger Säit erënnert d’Landschaft un déi Zäit, an där d’Minett duerch d’Eisenäerzindustrie zu engem wichtegen Industriestanduert gouf. Op där anerer Säit gesi mer, wéi aus enger fréierer Minière mat der Zäit en natierleche Liewensraum entstoe konnt. Et ass eng kleng Rees duerch d’Geschicht vum Minett. Eng Rees, bei där ee gesäit, wat de Mënsch mat enger Landschaft maache kann – mee och, wat geschitt, wann d’Natur sech eng Plaz Stéck fir Stéck zeréckhëlt.