Mir adresséieren eis elo speziell un déi Leit déi tëscht 1920 an 1927 gebuer sinn. Villäicht kennt Dir jo een oder sidd selwer an deem Zäitraum op d'Welt komm. Da wier d'Uni Lëtzebuerg frou wann Dir Iech géift bei hinne mellen, well si den Ament e Geschichtsprojet lafen hunn, dee sech Warlux nennt an se dowéinst Zäitdokumenter sichen aus dem Zweete Weltkrich vu Leit déi an den däitschen Déngscht agezu gi sinn.