An eiser Serie iwwer Vitaminne geet et haut mam Sonnevitaminn D weider. Dat ass am Fong en Exot ënnert de Vitaminne, well e gréisstendeels selwer am Kierper hiergestallt gëtt, an zwar mat Hëllef vun der Sonn. Fir eis Gesondheet ass en immens wichteg, well e Knachen an Zänn stäerkt, den Immunsystem ënnerstëtzt an och d'Produktioun vu wichtege Botestoffer am Gehier ukuerbelt.