An enger décker Stonn fänkt déi 2. Etapp vum Tour de Luxembourg un. D'Coureuren huelen den Depart zu Réimech op der Place Dr. Kons fir dann no bal 170 Kilometer zu Mamer beim Gebuertshaus vum Nicolas Frantz unzekommen. Am Verglach zu der éischter Etapp, geet et haut manner biergop, ma vun enger flaacher Etapp ze schwätze wier net ganz richteg, sou den RTL Vëloexpert Tom Flammang.