Dës Woch ass de Camille Dahm, den Invité an der 3. Hallschent.  Zanter bal 10 Joer ass hie President vun der Vëlosfederatioun. An zanter 10 Joer ass de Vëlodrome bei him een Dauerthema. De Rich Simon wollt am Podcast, ënnert anerem vum Camille Dahm wëssen, wou d'Aarbechte fir de Vëlodrome den Ament zu Munneref dru sinn... 

Vun e Freideg bis e Sonndeg gëtt den Handball grouss geschriwwen am Gymnase vun der Coque an dat bei gratis Entrée fir d'Spectateuren. D'U-18 Nationalekipp spillt dräi Deeg hannerteneen an der Qualifikatioun fir d'EM 2026. D'A Nationalekipp ass e Samschdeg an e Sonndeg am Kader vun der Qualifikatioun fir d'WM 2027 am Asaz an dat 2 Mol géint Lettland.  De Serge Olmo kuckt no vir op den intensiven Handball Weekend.

Dës Woch ass de President vun der Vëlosfederatioun, den Invité an der Drëtter Hallschent. Zanter ronn 10 Joer steet de Camille Dahm un der Spëtzt vun der FSCL. Den Ament gëtt vill a Vëloskreesser driwwer diskutéiert, firwat den Alter vun der Masters Kategorie, vu 40 elo op 35 Joer, no vir gezu gëtt. De Rich Simon wollt ënnert anerem am Podcast vum Camille Dahm wëssen, firwat dat esou ass.

Wéi gewinnt um Freideg um 20 bis 7, ass och haut nees Zäit fir de Rebound. De Basket Magasinn vun der Federatioun. Haut kuckt de Rich Simon zeréck op d'Matcher vun de Lëtzebuerger Dammen an den europäesche Couppen. Donieft stellt hien eis och nach ee klenge Veräin aus dem Norde vum Land vir....

Am drëtten a leschten Deel vum Podcast Drëtt Hallschent hei um Radio mam Angelique Kerber geet et ëm hir Wimbledon Victoire 2018. Fir déi fréier Nummer 1 am Tennis war et dee gréissten Erfolleg an hirer Karriär. Och am Verglach zu deenen aner Grand Slam kennt näischt un den Tournoi zu London erun.

Am Podcast Drëtt Hallschent geet et des Woch ëm Tennis. D'Angelique Kerber huet jorelaang zu deene beschte Spillerinnen op der Welt gezielt. Am Gespréich mam Jeff Kettenmeyer huet si erzielt wéi et war 2016 hiren éischte Grand Slam zu Melbourne ze wannen an wéi et duerno fir si weider gaangen ass.

Des Woch ass d'Angelique Kerber Invitée am Podcast Drëtt Hallschent. Déi fréier Top Tennis Spillerin huet d'lescht Joer no den olympeschen Spiller zu Paräis hir Tennis Rackett un de Nol gehaangen. No enger laanger Profi Karriär ginn et awer och Momenter wou een am Léifsten nees géif ufänken.

Den Owend vu Véierel vir 9 un spillt déi Lëtzebuerger Nationalekipp an der City Arena zu Trnava. D'Rout Léiwen sinn drop aus hiren éischte Punkt an der Campagne ze kréien. Dee leschten Duell auswäerts géint dëse Géigner war am Mäerz 2023 an do gouf et um selwechten Terrain en 0:0 Remis. Et wier scho wichteg mat engem Punkt an der Täsch heem ze fléien Serge Olmo.

Am Februar spillt Lëtzebuerg am Tennis Davies Cup am Play-Off fir am Weltgrupp 1 ze bleiwe géint d'Ukrain. No der 0-4 Néierlag am September auswäerts géint Chile, spillen d'Lëtzebuerger de Match géint d'Ukrain bei eis am Land. Ob dat an der Coque ass, ass awer nach net sécher. De Rich Simon huet beim President vum Tennis Verband nogefrot, wou den Dossier drun ass.

Den éischte Sonndeg am Oktober ginn d’Leefer an d’Leeferinnen sech traditionell Rendez-vous fir de Walfer Vollekslaf.  Iwwernächste Sonndeg, de 5. Oktober,  um 10 Auer ass den Depart op der Haaptstrooss zu Walfer. Déi ronn 200 Benevollen ronderëm d’Presidentin Marianne Dondelinger hunn alles gemaach, fir datt och dës 49. Editioun erëm e volle Succès gëtt. Wat d’Streck ugeet, do ass fir jiddereen eppes derbäi, Guy Seyler:

No 4 Spilldeeg am nationale Futtball sinn nach zwou Equippen ouni Néierlag. Den Tabelleleader F91 Diddeleng an de Champion Déifferdeng. Am FLF Magazin vun haut kuckt de Jeff Kettenmeyer op Diddeleng an awer och op déi éischte Victoire vun Käerjeng.

Gëschter huet d'Lëtzebuerger U21 Futtball Nationalequipe an der EM Qualifikatioun 0-1 géint Färöer Inselen verluer. Et war den éischte Match nom Bus Accident vum leschten Donneschdeg a Frankräich. Och wann ee wuel probéiert huet sech op dat sportlecht ze konzentréieren, war et awer ee spezielle Match, Jeff Kettenmeyer.

Mam Dan Santos, dem Futtball Nationaltrainer vun den Dammen, maache mir den Ofschloss vum Best Of vum Podcast Drëtt Hallschent. Hien huet beim Sam Rickal däitlech Wierder iwwert den Ënnerscheed tëscht dem Männer an dem Fraen Futtball fonnt.

Am Best Of vum Podcast Drëtt Hallschent dee mir iech iwwert déi ganz Vakanz iwwer um Radio Sonndes gespillt hunn, ass haut de leschten Dag. Mam Futtball Nationalspiller Lars Gerson geet et elo drëms ob hien seng ganz Karriär iwwer léiwer an der zentraler Mëtt oder hannen als Verteideger gespillt hätt an notzt beim Jeff Kettenmeyer och d'Beispill vun engem Top Spiller.

Dëse Weekend fänkt wéi bei den Hären och am Dammenhandball déi nei Saison un. D'Waarden vun den Handballsupporter geet also geschwënn op en Enn. D'Schlussphas vum Championnat war d'lescht Saison richteg intressant. De Serge Olmo huet zesummen mat engem Expert op déi nei Saison gekuckt.

De Weekend fänkt déi nei Saison am Handball un, wou erwaart gëtt, datt wéi quasi déi lescht Saisonen ëmmer Bierchem, Diddeleng, Déifferdeng an Esch ze staark si fir déi aner Ekippen. Déi Ekippen, déi vläicht eppes manner staark an ze schätze si wéi déi 4 Genannten, hunn awer deelweis zimmlech grouss Ambitioune fir déi nächst Saison, Serge Olmo.

Mam Supercup gëtt am Handball traditionell déi nei Saison agelaut. Do stounge sech de leschte Weekend de Champion Déifferdeng an de Coupegewënner Bierchem géigeniwwer mam besseren Enn fir de Champion. Dës zwou Ekippe kommen och fir déi nei Saison fir dës Titelen a Fro. Diddeleng an Esch wëllen awer och e Wuert matschwätzen. Wéi d'Ambitioune vun dëse 4 Veräiner sinn, verréit Iech de Gilles Tricca 

De Raphael Duarte ass neierdéngs Co-Trainer beim Futtball Club Werder Bremen. No der Saison mat Elversberg war hien Invité vum Jeff Kettenmeyer am Podcast Drëtt Hallschent, an déi zwee hunn och driwwer geschwat wat deen attraktiivsten Spillstil wier.

Am Mee war de Charel Grethen Invité am Podcast Drëtt Hallschent. Am Best Of kucke mir haut zeréck op dem Liichtathlet säin Trainings Pensum op den 1500 Meter. An hien erzielt dem Jeff Kettenmeyer datt ewell vill op der "Schwell" trainéiert gëtt.

Am zweeten Deel vum Best Of vum Podcast Drëtt Hallschent geet et elo ëm den Handball. Mam Kim a Joy Wirtz spillen net nëmmen zwou Schwësteren beim HBD an der selwechter Equipe. Mä mam Mikel Molitor ass och de Partner vum Joy den Trainer vun der Equipe. Grond genuch, fir eise Sam Rickal, mol méi genee no ze froen.

Den André Hoffmann war als "Président-Sortant" vum COSL Invité vum Rich Simon am Podcast Drëtt Hallschent. Fir hien waren et 2024 zu Paräis déi lescht Olympesch Spiller an der Funktioun als President. Gläichzaiteg awer och vläicht déi Bescht.

Am Best Of vum Podcast Drëtt Hallschent geet et elo ëm de Basket. Am Abrëll war den Erny Gruskovnjak Invité vum Jeff Kettenmeyer. De Basket Trainer huet virun allem iwwer d'Mentalitéit haut des Daags am Equippe Sport hei am Land geschwat.

No de Futtball Lännermatch am Mäerz war den Dirk Carlson Invité am Podcast Drëtt Hallschent. De Lëtzebuerger Nationalspiller huet mam Jeff Kettenmeyer ënner anerem driwwer geschwat wéi ee Géigespiller him am meeschten imponéiert huet.

Zanter dësem Joer ass d'Christelle Diederich déi nei Presidentin vun der Lëtzebuerger Sportspress. Si huet am Gespréich mam Rich Simon erkläert wéi ee virgeet fir d'Lescht vun de potenziellen Sportler vum Joer festzeleeën.

All éischte Sonndeg am  Mount, ass dës Plage reservéiert fir de Lëtzebuerger Reitsport. No de Réiser Päerdsdeeg am Juni, bei deenen d‘Spranreider am Mëttelpunkt stoungen, war déi leschte Woch d‘Lëtzebuerger Championnat an der Dressur. Iwwer d‘Wichtegkeet vun deem Championnat, huet sech de Rich Simon ënnert anerem mam Generalsekretär vun der FLSE ënnerhalen.

Am zweeten Deel vum Podcast Drëtt Hallschent Best Of hei um Radio kucke mir haut mam Philippe Gutenkauf op de Basket. Hien, genee wéi säi Brudder Frederic, spillt seng ganz Karriär op der Ettelbrécker Etzella an hat ni ee Wiessel Gedanken.

Enn Januar war de fréieren Futtball Profi an elo Directeur Technique vun der FLF, de Manu Cardoni Invité am Podcast Drëtt Hallschent. Hien huet mam Jeff Kettenmeyer iwwert déi aktuell jonk Generatioun geschwat, an och de Verglach gemaach mat senger aktiver Zäit an dem Wiessel op Leverkusen.

De Weekend ass den Optakt vum Championnat am nationale Futtball. Déi ganz Woch iwwer hu mir iech d'Equippen hei um Radio virgestallt. Als Ofschloss kuckt de Jeff Kettenmeyer mam FLF President Paul Philipp op déi nei Saison, wien Favorit ass an wien et vläicht méi schwéier kritt fir dran ze bleiwen.

 E Samsdeg fänkt hei zu Lëtzebuerg d'Futtball-Championnat an der ieweschter Divisioun nees un.Um Pabeier gëtt et direkt mol e Spëtzematch. Den F91 Diddeleng huet e Samsdeg de Progrès Nidderkuer op Besuch. Mat wéi engen Ambitiounen beid Formatiounen an d'Saison eraginn dat verréit ons de Gilles Tricca

Nächste Sonndeg ass den Optakt vum Futtball-Championnat an der héchster Divisioun. Di ganz Woch iwwer gi mir iech e klengen Abléck an di 16 Veräiner. De Moien ass et u Munneref a Stroossen déi e Sonndeg dann och géintenee spillen. De Gilles Tricca huet bei béiden Equippen de Bols gefillt

Ugangs vum Joer war den Tom Habscheid Invité am Podcast Drëtt Hallschent. De ganze Summer iwwer hunn mir hei um Radio ee Best Of vun den Invitéen. De Sportler vum Joer 2024 huet mam Rich Simon nach emol zeréck op déi Para Olympesch Spiller zu Paräis gekuckt op deenen hien Bronze gewonnen huet.

Gëschter Owend huet d'Una Stroossen zu Dundee a Schottland mat 0:1 de Kierzere gezunn. De Lëtzebuerger Vizechampion huet am 2. Tour vun der Conference League ganz uerdentlech géint de Favorit Dundee dowidder gehalen. Fir de Retourmatch ass nach alles dran Serge Olmo.

An der leschter "Drëtter Hallschent" viru der Summerpaus, ass de Kevin Geniets den Invité. De Rich Simon wollt ënnert anerem vum 28 Joer ale Coureur wëssen, wéi wichteg d'Ernärung ass, wann een dat ganz Joer iwwer, seng optimal Leeschtung wëll bréngen.

De Weekend stoung zu Réimech fir déi 12. Kéier den Ironman 70.3 um Programm. Iwwer 2600 Sportler waren beim sonnegen Wierder un der Musel mat dobäi. Wéi all Joer goufen och déi nei national Championen iwwert d’Laang Distanz am Triathlon gesicht. An de Sam Rickal verréit eis wéi d'Editioun 2025 verlaf ass.

Dës Woch ass déi leschten "Drëtt Hallschent" virun der Summerpaus. An där ass de Kevin Geniets den Invité. Zanter 2019 fiert de Coureur bei der franséischer Formatioun Groupama-FDJ. De Rich Simon wollt am Podcast ënnert anerem vun him wëssen, wéi säi Status sech an deene Jore verännert huet...

Den Ament ass de Tour de France amgaangen. Dëst Joer ouni Lëtzebuerger. De Kevin Geniets ass awer déi leschten 3 Joer d'Grande Boucle gefuer. Dëst Joer ass hien awer un den Depart vum Giro d'Italia gaangen. An der "Drëtter Hallschent" wollt de Rich Simon ënnert anerem vun him wëssen, op  et ee groussen Ënnerscheed tëscht der Course a Frankräich an där an Italien gëtt.

Op d'Bierger beim Tour de France muss sech nach bis muer gedëllegt ginn. Haut, Etapp Nummer 9, geet iwwer éischter flaach 174 Kilometer vu Chinon op Châteauroux. Fir den RTL Vëloexpert Tom Flammang eng kloer Saach.

Vu muer un, gëtt déi 8. Editioun vum Rallye de Luxembourg gefuer. Am Ganze fueren déi 53 Equipagen duerch 8 Gemengen am Éislek.  De Rallye ass ee vun den Highlights, déi all Joer am Kalenner vum Lëtzebuerger Motorsport stinn. De Rich Simon huet sech d'Organisatioun méi am Detail ugekuckt.

D'Patrizia van der Weken, ass den Ament voll an der Outdoor Saison dran. Ënnert anerem ass d'Sportlerin vum Joer, an de leschte Wochen bei enger Partie vu Meetingen, vun der sougenannter Diamond League un den Depart gaangen. De Rich Simon huet mat der 100 Meter Spezialistin een Tëschebilan gezunn an och no vir, op d'Highlight vun der Saison, gekuckt...

Nom Optakt vum Championnat am Cyclissem, mat de Contre la Montre Coursse gëschter, geet et muer a virun allem och e Sonndeg, mat de Course en Ligne weider. Souwuel bei den Dammen, wéi och bei den Hären dierften nees déi Leit vir sinn, déi och op den éischte Platzen gëschter waren. De Rich Simon mat enger Virschau op déi Haaptcourssen....

Déi Lëtzebuerger Volleyball Nationalekipp huet e chargéierte Programm. No de 4 Victoiren, an der Goldmedail op de Spiller vun de klenge Länner an Andorra, goung et mat der Silver League weider. Um éischten Tournoi zu Bartreng konnten d'rout Léiwe géint Island an Éisträich zwou weider Victoire feieren. Duerno am Aserbaidschan konnt een d' Heemekipp 3-0 klappen, éier et géint Ungarn eng éischt Defaite gouf. Elo steet de virleefeg leschten Tournoi a Georgien un a jee nodeem geet et esouguer nach an d' Verlängerung, Marc Burelbach...

Ufank Juni ass fir d’Damme Futtballnationalekipp eng excellent Nations-League-Campagne op en Enn gaangen. D’FLF-Selektioun ass als ongeschloenen Tabellen Éischten am Grupp C3 an d’Liga B opgestigen. Dëst historescht Resultat ass wéinst den Onroue ronderëm d’FLF-Hären e bëssen ënnergaangen. De Spillerinnerot vun der Lëtzebuerger Dammen Futtballnationalekipp, deen aus 5 Spillerinnen besteet, hat nom Opstig eng privat an intern Noriicht un déi FLF-Responsabel vun der Dammen Sektioun, Carine Nardecchia, geschéckt. Hinnen huet déi néideg Unerkennung a Wäertschätzung fir den Opstig gefeelt. Dëse Message un d'FLF-CA-Memberin Carinne Nardecchia gouf awer virun ronn zwou Wochen géintiwwer dem Quotidien geleakt. Den Nationaltrainer Dan Santos ass dës Woch Invité an eisem Podcast "Drëtt Hallschent - De Sport-Talk". Beim Sam Rickal huet hien erkläert, wéi dat ofgelaf ass.

Am drëtten a leschten Deel hei um Radio erzielt de Futtball Nationalspiller Lars Gerson ob hien léiwer Mëttelfeld Spiller oder Verteideger ass. A senger Karriär huet hien béides bis elo gespillt. De Lars Gerson huet am Podcast mam Jeff Kettenmeyer och gesot wien fir hien ee Spiller war deen hien bewonnert huet.

Vun der nächster Saison soll fir d'Jeunesse Esch eng nei Ära ugoen. Gëschter Owend huet de Rekordchampion hiren neien Projet fir déi nei Saison presentéiert. Mam Reinhold Breu steet een alen Bekannten aus dem Lëtzebuerger Futtball vun elo un an der Responsabilitéit, Sam Rickal.

Dëse Weekend, sinn déi Réiser Päerdsdeeg. Et ass dee wichtegste Rendezvous fir d'Sprangreiden, hei zu Lëtzebuerg. Bis e Sonndeg nach mat, sinn net manner wéi 150 Reider aus 30 Natiounen zu Réiser present. Ënnert hinnen, Rich Simon, natierlech och eng Partie Lëtzebuerger...

Et gouf eng Zäit wou Lëtzebuerg mam Gilles Muller bei den Hären, dem Claudine Schaul, Anne Kremer a Mandy Minella direkt 4 Spiller, respektiv Spillerinnen an den Top 100 vun der Welt hat. Dovunner ass een den Ament awer wäit ewech.  An der "Drëtter Hallschent" huet déi nei Kapitänin vun der Billie Jean King Cup Ekipp, Claudine Schaul beim Rich Simon erkläert, datt ee sech an Zukunft aner d'Ziler muss setzen...

Zanter kuerzem, ass d´Claudine Schaul Kapitänin vun der Billie Jean King Cup Ekipp. Dat war fréier, de sougenannten FED-Cup. Zu där Zäit hat Lëtzebuerg mam Mandy Minella, dem Anne Kremer an eeben och dem Claudine Schaul dräi Spillerinnen, déi deelweis an den Top 100 vun der Welt waren. Den Ament gesäit dat anescht aus. Am Podcast huet d´Claudine Schaul beim Rich Simon ënnerstrach, datt vill Facteuren musse mat spillen, fir et ënnert déi 100 Bescht vun der Welt ze packen. Cut Claudine Schaul

Dës Woch ass d'Claudine Schaul an der "Drëtter Hallschent" Déi fréier Nummer 41 an der Tennis Weltranglëscht ass zanter kuerzem d'Kapitänin vun der Bilie Jean King Cup Ekipp. Bei Rich Simon huet si ënnert anerem erzielt, datt et net evident ass vun der Bänk aus eng Spillerin ze coachen.

E Sonndeg ass mat der Victoire vum Simon Yates, de Giro d'Italia op een Enn gaangen. Mam Michel Ries a Kevin Geniets, waren och zwee Lëtzebuerger um Depart. De Michel Ries huet no enger Chute, awer schonns relativ frei mussen opginn. De Kevin Geniets fir säin Deel, ass um Enn den 33. ginn. E Resultat mat deem hie kann zefridde sinn, Rich Simon...

Nom 3-1 Succès a Kasachstan, huet d'Futtball Dammen Nationalekipp et fäerdeg bruecht, an der Nations League vun der Liga C an d'Liga B opzesteigen. A 6 Matcher hunn d'Rout Léiwinnen et fäerdeg bruecht, fir um Enn 16  Punkten um Konnt ze hunn an d'Campagne op der éischter Platz an der Tabell ofzeschléissen. De Rich Simon mam Bilan vun der Nations League vun de Lëtzebuerger Dammen....