Eng Serie iwwert Lëtzebuerger, déi am Ausland en neit Liewen ugefaangen hunn, wäit ewech vun doheem.

Am Wëllwaasserkanal zu Dikrech huet de Louis Besch Paddele geléiert an heihinner kënnt hien och ëmmer nees gäre fir ze trainéieren.

A fir d'Kolleegen erëmzegesinn, wou et elo ganz vill ze ziele gëtt. Dat lescht Schouljoer war den 18 Joer ale Sportler nämlech mat enger amerikanescher Travelling School direkt op véier Kontinenter ënnerwee.

Hien hat een originellt amerikanescht Konzept fonnt an esou war seng Schoul op der ganzer Welt, de Kayak seng Schoulbänk. Op senge kuerzen Ofstiecher heem op Lëtzebuerg hu mir de leidenschaftleche Paddeler getraff.