Staunen, verstoen, spionéieren: vun uewen huet een déi beschte Vue!

D’Clémentine an den Adrien si mam Fliger ronderem d’Welt geflunn. Eng emoleg Reess mat impressionnante Biller wéi d’Welt vun uewen ausgesäit. D’Stad Lëtzebuerg kontrolléiert mat Loft-Opnahmen wee sech eng net genehmegt Garage hannert d’Haus gebaut huet. De Mister Science gëtt vun enger Drone verfollegt an erkläert wéivill déi Apparater haut scho kënnen. A mir maachen iwwer der Stad de Probeller aus a segelen duerch den Himmel. Well vun uewen huet een einfach déi beschte Vue.