Eng laang vergiesse Planz mat groussem Potential.

Hanf ass eng vun de villsäitegste Planzen op der Welt. Et kann ee bal alles doraus maachen. Kleeder, Seeler, Medikamenter, Uelech, Faarwen a Pabeier. Viru knapp 100 Joer gouf den Industrie-Hanf awer verbueden a ka sech haut nëmme ganz schwéier rëm breet maachen. Am Pisa erkläre mir wéi mat der Prohibitioun vum Kanabis an den USA och den Industriehanf verschwonnen ass. Weisen wat d’Virdeeler sinn wann ee seng Fassade mat Hanf isoléiert. Léieren eng Fra kennen déi hire Rheuma mat Cannbidiol-Drëpsen behandelt. An de Mister Science wëll rausfannen op Kanabis geféierlech ass.