Haut ass de leschten Dag vun der EXPOGAST, der Foire bei där sech alles ronderëm d’Iessen an Drénken dréint. Vill Produzenten hei aus dem Land hunn do e Stand fir hir Produiten ze promouvéieren. Regional Produite stinn am Virdergrond. Kuckt een an d’Regaler vun eise Supermarchéen dann erkennt een, ganz vill Liewensmëttel ginn och importéiert. Den Owend am Magazin op der Tëlee dréint sech de Reportage ëm de Liewensmëttelimport op Lëtzebuerg.