Fuesent ass déi Zäit am Joer, wou aus dem Noper e Rockstar gëtt, d’Kollegin als Fee duerch d’Büro schwieft an op der Strooss Cowboy nieft Astronaut danzt.

Fueskostümer si vill méi wéi just Stoff a Schmink. Si sinn eng Invitatioun, fir aus dem Alldag eraus- an an eng aner Roll ze klammen. All Joer ginn et nei Trends. Heiansdo si se inspiréiert vu Filmer oder Serien, heiansdo vun de soziale Medien. An heiansdo entsteet e klengen Hype, wéi dëst Joer d’„Karnevalsmaus“ - eng einfach, séiss a kreativ Iddi, déi sech séier verbreet huet.