Knapp 800 Meter ass se laang. An der Vergaangenheet wéi haut eng wichteg Jonctioun tëscht der Stater Gare an Hollerech. Rieds ass vun der Stroossbuerger Strooss. An de leschte Joeren ass «d’Stroossbuerger» virun allem wéinst der Polemik ronderëm d’Sécherheet op der Gare dacks genannt ginn. Dobäi huet d’Strooss vill méi ze bidden. D’Monica Camposeo huet en Historiker getraff an e jonke Museker, deen am Quartier opgewuess ass.