Vakanz doheem. Dat war d’lescht Joer de Credo. Dëst Joer kann een zwar scho méi reesen, mee de Tourismus- a Mëttelstandsministère rifft ëmmer nach dozou op wann méiglech Vakanz zu Lëtzebuerg ze maachen. 2019 hunn 2% vun de Residente Vakanz doheem gemaach, d’lescht Joer waren et 12%. An deem Kader goufen 117 000 50 Euro Bongen ageléist. Des nei Clienteë gëllt et ze fideliséieren. Wat fir Vakanzenprojeten de Ministère dofir vum leschte Joer erëm opgeholl huet a wat fir eng nei dobäi komm sinn erkläert eis d’Nadine Kremer.